Ձեր հարսանիքը կյանքի կարեւոր իրադարձություններից մեկն է: Դա մի օր է, որը փայփայում ու հիշում եք ընդմիշտ: Այժմ կարող եք կիսել այդ օրը բոլորի հետ: ArmCast.info-ն կարող է հեռարձակել Ձեր հարսանիքն ինտերնետում այնպես, որ բոլոր նրանք, ովքեր չեն կարող մասնակցել արարողությանը, կարողանան դիտել այն ուղիղ հեռարձակմամբ` ինտերնետով:

Կարեւոր չէ, թե որքան հեռու են Ձեր հյուրերը: Նրանք կարող են մասնակցել Ձեր հարսանիքին  օն-լայն: Այն նորապսակները, ովքեր ուզում են կիսել իրենց ուրախությունը սիրելի մարդկանց հետ, այժմ արդեն ունեն այդ հնարավորությունը:

ArmCast.info-ն առաջինն է Հայաստանում, որ կիրառելով տեղեկատվական տեխնոլոգիաները` հնարավորություն է տալիս «ջնջել» ցանկացած սահման ու մասնակցել հարազատի հարսանյաց հանդեսի արարողությանը բոլոր նրանց, ովքեր ինչ-ինչ պատճառներով անկարող են ֆիզիկապես ներկա գտնվել հարսանյաց սրահում:

Մեր մասնագետներն անցել են վերապատրաստման հատուկ դասընթացներ ԱՄՆ-ում եւ եվրոպական մի շարք երկրներում, ուր օն-լայն հեռարձակումները վաղուց արդեն սովորական են դարձել բոլորի համար: Դա նրանց թույլ է տալիս կազմակերպել հեռարձակումներն ամենաբարձր մակարդակով եւ բոլոր դիտողներն անհոգ վայելում են արարողությունը:

Այնպես որ՝ մի մոռացեք նրանց, ովքեր եւս պատրաստ են կիսել Ձեր անմոռանալի օրը՝ չնայած, որ հեռու են Ձեզանից:

Հեռարձակման սկզբունքը

Ուզու՞մ եք ավելին իմանալ: Դիտեք մեր հեռարձակման օրինակները կամ ծանոթացեք հաճախ տրվող հարցերին: